«Жітіқара ауданы әкімдігінің мәдениет және тілдерді дамыту бөлімі» мемлекеттік мекемесінің «Жітіқара аудандық орталықтандырылған кітапхана жүйесі» коммуналдық мемлекеттік мекемесі
24 сәуірде Аудандық кітапхана қызметкерлері Қазақстан халқының бірлігі күніне орай өңірлік оңалту орталығында мүмкіндігі шектеулі жандарға арналған шеберлік сабағын өткізді.
Қатысушылар киіз үй бейнесін қазақтың ұлттық ою-өрнектерімен безендіріп, тағы бір плакатқа қиылған гүлдерді орналастырды. Сондай-ақ, достық пен өзара түсіністік туралы викторина өткізілді. Іс-шара жылы атмосферада өтіп, қатысушыларға қарым-қатынас қуанышын және бірлік сезімін сыйлады.