«Жітіқара ауданы әкімдігінің мәдениет және тілдерді дамыту бөлімі» мемлекеттік мекемесінің «Жітіқара аудандық орталықтандырылған кітапхана жүйесі» коммуналдық мемлекеттік мекемесі
6 наурыз Күні Жітіқара ауданының 95 жылдығы және алда келе жатқан Халықаралық әйелдер күні мерекесіне арналған іс-шара өтті. Шараның басты қонағы ардагер-педагог Роза Ильинична Тауманова жиналғандармен өзінің өмірі мен ұстаздық тәжірибесімен бөлісті. Шара барысында мәдениет бөлімінің басшысы Жаңылдық Әлмұхамедова, Роза Ильиничнаның білім мен қоғамға сіңірген еңбегін жоғары бағалады.Ол жастардың санасын қалыптастыруда және жақсы болашақты құруда мұғалімдердің маңызды рөлін атап өтті.
Жітіқара ауданының Құрметті азаматы Галина Бурдюк та білімнің қадірі мен ұстаздардың шәкірттеріне тигізетін игі ықпалын тілге тиек етті. «Ардагерлер кеңесі» қоғамдық ұйымының төрайымы Орынкуль Бурушпаева ардагер ұстаздардың білімі мен тәжірибесін сақтаудың маңыздылығына тоқталды. Аудандық кітапхананың осындай іс-шараны ұйымдастырып, ұстаздардың тәжірибе алмасуына алаң ұйымдастырғанына ризашылығын білдірді.
